愛華頓決定斥資九百萬鎊，替有超過一百年歷史嘅葛迪遜公園球場大翻新，翻新後嘅葛迪遜公園球場會有博物館、餐廳同埋紀念品專賣店，全部都係賺錢項目，正所謂羊毛出自羊身上，相信愛華頓好快可以回本！
可容納約四萬名球迷嘅葛迪遜公園球場喺一八九二年建成，一直係愛華頓嘅主場，六六年更舉辦過世界盃賽事，雖然曾多次改建，但設施仍追唔上世界一流球場嘅水平，故球會決定改建，並且喺原本嘅停車場興建一座綜合大樓，當中包括博物館、餐廳同埋紀念品專賣店，希望可增加球會收入，認真識做生意！