佩尼斯認為現時有唔少英超球證偏幫大球會，漠視小球會利益，史篤城更係受害者，因為球證誤判，今季起碼唔見咗七分，所以賽會必須建立一套升降班制度，淘汰低水準及犯錯嘅球證。
夏利列納都讚好
「英超每季都有三隊降班，亦有三隊由英冠升上來，球證亦應該有升降制度，例如二十間球會各有一票，季後選出全季表現最差三位球證，禁止佢哋執法下一屆嘅英超賽事，如果有球證一味偏幫大球會，最終一定會被踢走。」熱刺領隊夏利列納加入附和：「的確有部分球證應該『降班』，佩尼斯建議值得考慮。」韋根領隊馬天尼斯認為實行「球證升降班制度」，可令球證加強警惕性，有助提升執法水平。