男拔萃18連霸有暗湧

D1泳賽昨在九龍公園室內泳賽舉行，首天賽事出現多次「ＤＱ」（Disqualified）事件，力爭18連霸的拔萃男書院，以為勁敵聖若瑟書院在C Grade四式接力被ＤＱ而佔上優勢，但隨後自己亦有A Grade泳手卓天航及C Grade自由泳接力隊被取消資格，此消彼長下大大影響爭標形勢。
卓天航（右）被DQ後，面露愁容。
卓天航（右）被DQ後，面露愁容。

卓天航在A Grade 50米蝶泳預賽原本被編排游第7線，卻游錯第8線而被ＤＱ，其後男拔在C Grade自由泳接力，交接第2棒時又被指早起跳而被ＤＱ。男拔萃主力、香港亞運代表林政達事後表示卓天航不算犯錯：「因為7或8線不會影響爭標，而且他游8線只會輸蝕，何況國際賽有過同類事件發生，該次泳手都沒被ＤＱ，不明今次卻要被取消資格。原本我們預料A Grade團體會贏4分，現時隨時被反勝。」

至於聖若瑟隊長吳鎮男指事件令他們有力阻止男拔萃實現「Grand Slam」。

沙龍蝶王<BR>雖然「蝶王」黃鍇威已畢業，但尋日亦有現身為「聖Jo」師弟「撐場」，拎起「長短火」做攝記仲似模似樣添！
  • 沙龍蝶王
    雖然「蝶王」黃鍇威已畢業，但尋日亦有現身為「聖Jo」師弟「撐場」，拎起「長短火」做攝記仲似模似樣添！
半斤八両<BR>「聖Jo」同男拔分秒不讓，呢對「冤家」嘅兩個泳手吳啟康（右）同黃聲縉，喺B Grade 100米背泳預賽游出相同時間1分01秒95，決賽肯定鬥過你死我活。
  • 半斤八両
    「聖Jo」同男拔分秒不讓，呢對「冤家」嘅兩個泳手吳啟康（右）同黃聲縉，喺B Grade 100米背泳預賽游出相同時間1分01秒95，決賽肯定鬥過你死我活。
喇叭泳王<BR>「DB自由神」林政達喺看台吹起小型Vuvuzela，全力為男拔嘅師弟打氣。
  • 喇叭泳王
    「DB自由神」林政達喺看台吹起小型Vuvuzela，全力為男拔嘅師弟打氣。

女拔萃協恩並列榜首

女子組方面，力爭23連冠的拔萃女書院和協恩中學就鬥得難分難解，在總分榜齊齊排第1，鹿死誰手要到下周五（10月22日）的決賽天才有分曉！

公仔打氣<BR>泳手激戰完都要抖抖，每年泳池外都會非常「壯觀」，各隊鋪好軟墊各據一方，呢班聖士提反女生更帶埋公仔陪伴，未知「小熊維尼」會否幫主人打氣？
  • 公仔打氣
    泳手激戰完都要抖抖，每年泳池外都會非常「壯觀」，各隊鋪好軟墊各據一方，呢班聖士提反女生更帶埋公仔陪伴，未知「小熊維尼」會否幫主人打氣？
先睹為快<BR>「聖Jo」泳手圍埋睇《飛躍校園》嘅D1泳賽專輯，了解死敵近況。
  • 先睹為快
    「聖Jo」泳手圍埋睇《飛躍校園》嘅D1泳賽專輯，了解死敵近況。

D1首日賽事總分

男子

1.喇沙 54

1.英華 54

3.福建 53

4.聖若瑟 52

5.男拔萃 51

女子

1.女拔萃 54

1.協恩 54

3.德望 53

3.香港國際 53

3.聖心 53

3.聖保祿 53

註：只列部分