古巴名將羅保斯將缺席本月23日舉行嘅國際田聯鑽石聯賽上海站，事關同捷克比賽撞期，羅保斯期望喺捷克呢片佢曾經刷新世界紀錄嘅福地再創佳績，換言之，外界期望佢同劉翔嘅欄王對決，又要押後上演。但羅保斯避戰唔等於劉翔喺上海站可以輕鬆勝出，事關09年世界賽冠軍巴巴多斯嘅柏夫維特，將會作出挑戰。