高比仔有幾沉？睇吓今場數據就知，全場僅上陣28分30秒、投射僅入4球、投射命中率19%、合共得到12分，四項紀錄全屬高比拜仁今季新低。此外湖人隊史中，對上一次投射超過20次以上，但只取得4中或以下嘅情況，已經要追溯到十八年前，當時禾飛在九一年對太陽時造出22射4中嘅低迷命中率。

比骨折更嚴重

事實上高比仔飽受手指傷患困擾，教練積遜更透露高比仔嘅食指第二關節，出現比骨折更嚴重嘅痛楚，導致近期命中率大不如前。高比仔賽後表示：「我好想將固定手指的夾板拆走，讓手指有番彈性幫助投射。但手指還需夾板支撐，所以我會盡快適應包紮後的情況，讓自己找回感覺。」