普羅霍羅夫 籃網班主

淨資產：約1086億港元

no.1普羅霍羅夫畢業於莫斯科財經學院，其後到蘇聯國際經濟合作銀行工作，認識了其拍檔波塔寧，兩人及後合夥掌控俄羅斯國際集團企業，涉及石油、金屬及通訊等業務。據悉普羅霍羅夫嘅淨資產已經達到140億美元，而佢亦藉阿布拉莫域等富豪身家大縮水下，榮升為俄羅斯首富。

保羅阿倫 拓荒者班主

淨資產：約814億港元

no.2與蓋茨一同創立微軟嘅保羅阿倫，係非常著名嘅富豪人物，據《福布斯》指出，保羅阿倫身家達105億美元，排於全球第32位。他1988年購入拓荒者後，就一直成為NBA最有錢班主，可惜今年普羅霍羅夫決定入主籃網，保羅阿倫終於要退位讓賢。

米奇阿里遜 熱火班主

淨資產：約411億港元

no.3米奇阿里遜係郵輪公司Carnival嘅主席兼CEO，屬全球最大嘅郵輪生產商，而佢亦於2006年，打入《福布斯》全球富豪榜一百位之內。米奇阿里遜入主熱火後，經過多年努力，終於在06年帶領熱火取得首個NBA總冠軍。

李察迪禾斯 魔術班主

淨資產：約233億港元

no.4李察迪禾斯屬美國直銷公司Amway創辦人之一，91年迪禾斯家族收購了魔術隊，09年《福布斯》全球富豪排行榜中，李察迪禾斯列119位。

威廉大衞遜 活塞班主

淨資產：約217億港元

no.5威廉大衞遜於五十年代藉玻璃事業起家，74年購入活塞，其後還買入WNBA底特律暴震，曾入選NBA名人堂。大衞遜上年初去世，現由太太接手成班主。

格蘭泰萊 木狼班主

淨資產：約140億港元

no.6格蘭泰萊旗下集團主要做印刷工業，據悉其印刷公司全球已達70間，此外泰萊亦做了十年參議院議員。

梅西門 溜馬班主

淨資產：約124億港元

no.7梅西門六十年代與細佬一同創立西門集團，主要發展食品及藥業，起家後就向體育界發展，83年收購了溜馬，不過梅西門三月前已離世。

高安基 金塊班主

淨資產：約109億港元

no.8英超阿仙奴班主高安基嘅外父係美國企業公司Walmart嘅老闆禾頓，九十年代開始拓展其體育王國，先後買入NFL、NBA、NHL球隊及美職嘅急流。

古班 小牛班主

淨資產：約101億港元

no.9古班大學畢業後創立了一家科技資訊公司，短短數年就成為大賺數千萬美元嘅大企業，及後生意愈做愈大，亦成功圓夢收購了一支NBA球隊。

賀拔西門 溜馬班主

淨資產：約93億港元

no.10正如頭先所講，西門兄弟一同創立西門集團起家，而哥哥離世後，他已全權負責球隊業務。