據酒店傳訊部發言人Kammi表示，今次運動員主要入住六百元一晚的標準房，酒店方面安排劉翔升級至三千元一晚的套房，以配合其天王身份。不過，國家隊方面知會酒店，劉翔將自己一個人住標準房，明顯不想享用特權。

66歲梁婆婆：「我家住荃灣，我好鍾意劉翔o架！所有賽事都有睇，之前有睇奧運，本來好想同佢握手，但結果連點頭嘅機會都冇，有啲遺憾啦！雖然係咁，我都會繼續支持佢。」

關小姐：「我特登攞假嚟睇佢o架，其實上年去北京睇佢比賽，仲有合照添！今次諗住可以Say Hello同影相，可惜佢行得太快，少少失望咁啦，但我會繼續等，希望佢快啲現身。」

瞓特製七呎大床

另外為招待一眾體形高大的運動員，酒店特別訂製二十張七呎大床，故身高六呎二吋的「劉天王」不用擔心缺乏伸展空間。至於有關運動員居住樓層，酒店方面拒絕透露，表示一切資料都要絕對保密，為加強保安力度，已增加一倍人手駐守有運動員入住的樓層，以確保運動員安全及遠離追星族滋擾。