05/12/2009

播放本新聞相關短片

艾佛遜喊住重投76人懷抱

本文重點
一輪退休鬧劇之後,「壞孩子」艾佛遜尋日出席76人記者會,公布自己出走三年後正式回歸母會。近年飽嘗失敗及指摘嘅艾佛遜,在記者會上容貌滄桑,當提及能夠重返76人感受時,即落下男兒淚,似乎呢位叛逆男孩已經知錯,知道還是娘家最好。

艾佛遜尋日在76人記者會上,宣布自己以自由身身份,重返呢支曾効力十季嘅球會。「AI」一開腔已表示回到費城非常感動,皆因有一種回家感覺,並希望重新證明自己,因為佢知道自己仲有能力打好波。講到呢度,昔日寸寸貢嘅艾佛遜亦不禁流下男兒淚,相信呢幾年嚟嘅屈辱,確令艾佛遜飽受極大壓力。

其後艾佛遜亦有解釋早前為何選擇退休,佢認為加盟灰熊就像一段噩夢般經歷,令佢覺得籃球已非其生命一部分,但原來「AI」仍然唔捨得籃球,特別係得悉有機會重返76人,所以佢已經決定要在76人効力至退役。此外,艾佛遜今次復出亦作出不少妥協,佢表明願意當替補,會按照教練要求。「AI」周一將首次參與訓練,估計周二就會再次披上3號球衣對舊會金塊。

塞爾特人6連勝

尋日賽事方面,塞爾特人由頭帶到尾下,以九十比八十三擊敗馬刺,順利奪得六連勝。「綠軍」今場有加納特攻入全場最高廿分,而雷阿倫則有十五分進帳。今場較為有趣係馬刺新秀比力亞比賽時竟然「擺烏龍」,搶籃板時將球拍入自己籃框,非常少見。