南韓球員多來自N2聯賽

香港被編與南韓及中國嘅B組，初時以為出線無望，但南韓及中國均決定不派「大國腳」來港，中國以國奧隊應戰，大軍今日才抵港；南韓只以N2聯賽球員組成嘅業餘隊出戰，實力與大家所認識嘅「太極虎」差天共地。

南韓只以業餘球員出戰東亞運，實力不算強。 （新華社圖片）	日本於東亞運足球首場分組賽以二比一擊敗北韓（白衫）。	放大圖片

雖然領軍來港嘅南韓教練朴相寅揚言今次目標是贏取金牌，但據了解該隊實力有限，國內聯賽結束後才成軍，之前與老撾及孟加拉奧運隊踢熱身賽僅得一和一負，以此推斷呢支南韓隊並不可怕。

港隊委「歐冲」做隊長

香港隊自去年初開始備戰東亞運，上年六月更曾到克羅地亞集訓，亦曾出戰港澳埠際賽，但教練高能上季尾離任，最近改由南韓的金判坤執教，以他對南韓足球認識及今年八月帶領香港力壓北韓晉級東亞盃決賽周嘅能力，今仗有望創造佳績。

金判坤表示，港隊一切已準備妥當，他說：「南韓是以N2球員組成，個別球員是前韓職成員，經驗豐富，而且今場是國際賽。」他又指：「香港球員要有責任心、上進心，同埋戰勝強敵嘅決心。」金判坤委任中場新星「神之子」歐陽耀冲為隊長，他指「歐冲」年輕及經常面帶笑容，但亦要給他一點責任；至於南華前鋒陳肇麒踢罷今仗便要離隊，赴英國熱刺跟操一星期。