去季憑奪全英賽亞軍賺取極多積分，並歷史性高踞年終世界排名第八位的傅家俊，放完三個月開心悠長假期後，明晚（27日）將返英「開工」。正所謂「創業難、守業更難」，Marco想保住世界Top8遇嚴峻考驗，除因新球季排名賽再銳減至僅得六項，搶分機會買少見少外，最大難關莫過於要在五天內港、英兩邊走，兼顧東亞運及全英賽連場激戰。

香港「桌球天王」傅家俊將會踏入個人第十二個職業賽季，今年要應付新球季外，同時要兼顧年底東亞運，但東亞運與全英賽賽期接近，長途跋涉兼只得一晚休息時間便要出戰全英賽，Marco坦言「冇影響就假」，但既成事實也須面對：「兵來將擋、目標不變、力爭金牌、望保Top8！」

12月英港兩邊走

據賽程編排，傅家俊於12月3至5日主場角逐東亞運英式隊際及單人賽後，即乘夜機趕飛英國，12月7日出戰全英賽卅二強，「魔鬼」行程可想而知。而由於前十六種子球員在首圈輸波的話，將會失去一半排名積分，對Marco來說無疑是壓力重重。「我打咗十一年職業賽，自知一日時間難以適應時差……」Marco續說：「事實已經無法改變，我會以平常心去接受，做足心理準備，諗得正面啲，煮到埋嚟就食囉，或者有意外收穫做到『兩不誤』呢！」

問Marco可有感到「人在江湖、身不由己」？他謂：「咁就冇，東亞運喺香港舉辦，我都有個責任，唔代表實在講唔通。」曾三度領軍出征亞運皆「穿金戴銀」的傅家俊，首戰東亞運亦盼主場揚威「起孖」奪雙金。