洛城2011年再辦明星賽

為咗解決經濟危機，今季多支WNBA球隊如水星及火花等，都獲准球衣心口「賣廣告」，加入贊助商Logo賺取豐厚贊助費，總裁史端已否決呢個可能性，並表示NBA永遠唔會有廣告於球衣之上，若然要解決經濟壓力嘅話，最可行方法就係減球員工資，皆因暴漲嘅薪酬先係球隊最大負擔。

雖然NBA整體門票收益大幅下降，但絕對影響唔到總決賽，皆因魔術尋日開售第三場賽事門票，唔夠一個鐘嘅主場門票就全部售罄。另湖人亦收到好消息，就係二○一一年全明星賽舉辦地點將於洛杉磯舉行，因該年正係第六十屆全明星賽，預期賽周會收到高昂經濟收益。

另外，總決賽第二回合由湖人主場對魔術，於今早上演。（有線165台、now 670、高清翡翠台及廣東體育今早8時直播）