今次香港巴塞足球學校一共有十四個球員過咗嚟西班牙，但唔係全部都係香港人，當中有嚟自英國嘅阿Sam，而我、Shosuke同埋Riku就係日本人。我全名叫館野颯太，大家都慣咗叫我Sota。由於我唔識英文，所以唔夠好似讀國際學校嘅Shosuke咁活躍。雖然係咁，我同其他隊友溝通絕對冇問題，仲一齊玩得好開心。聽媽咪講番我先知，由於爸爸喺香港有工作，所以我出世三個月後就嚟咗香港，一家人住喺太古城。我已經當咗香港係我第二故鄉㗎啦！
唔知係唔係因為我身手比較敏捷，所以就被教練安排咗守龍門，但其實我更加想踢其他位置，如果可以好似足球小將個健威咁，有機會可以出嚟踢吓前鋒咁就好囉！
館野颯太 9歲 香港日本人學校4年級