政情：「鄰居」王百羽勁減40磅 牢中快必瘦身輸成條街
人民力量成員譚得志（快必），因分別被控發表煽動文字、喺公眾地方作出擾亂秩序的行為及參與民主派「35+」初選，涉違《港區國安法》等控罪，由去年9月被捕後一直被還押，至今差唔多一年，尋日前議員邵家臻到荔枝角收押所探望過快必，話佢瘦咗成20幾磅！不過其他囚友減磅更厲害，譬如同被還押嘅王百羽就輕咗成30至40磅啊！
邵家臻指快必還押接近一年，人都消瘦咗20幾磅，不過相對快必嘅「隔籬鄰舍」，例如同被還押，涉民主派「35+」初選、以及串謀製作虛假文書，串謀詐騙嘅前元朗區議員王百羽就減重接近30至40磅，快必所減嘅20幾磅都算小兒科喇。
快必話自己高咗好多
邵又話，快必講笑指懲教職員特別關心佢，尋日就問佢幾高同幾重，快必就答自己原本身高不到五呎，依家就高咗好多，仲用埋下屆巴黎奧運嘅其中一個口號，更快更高更強喎。