政情：經民聯捐100萬河南賑災
河南省連日暴雨，省內多處發生嚴重洪澇，逾百萬人受影響。經民聯合共捐款100萬元，該黨主席盧偉國、副主席林健鋒、議員梁美芬及青委會副主席林顥伊尋日向中聯辦遞交有關支票。盧偉國話香港市民與內地同胞血濃於水，經民聯成員不但捐款支持賑災，亦呼籲社會各界展現守望相助嘅精神，透過各種形式表達對同胞嘅關愛同支持。
盧偉國話經民聯嘅地區成員發起賑災籌款活動，獲得各區街坊熱烈響應支持，唔少地區成員亦透過各種渠道捐款支持河南受災同胞。林健鋒指疫情關係，河南省部分鄉鎮嘅救援工作受到影響，祝願內地同胞安全無恙，度過天災嘅考驗。
梁美芬就話經民聯嘅地區成員已收集數千張心意卡送畀內地同胞，呼籲市民喺社交網站踴躍表達支持字句，為河南省加油打氣。