政情：警隊展覽 鄧炳強郭嘉銓與民同樂
曾任警務處處長嘅保安局局長鄧炳強，尋日喺警務處公共關係科總警司郭嘉銓嘅陪同下去到文化中心，出席警隊專題展覽「同心同行」，參觀各個展區同展品，期間唔少市民爭相同新任局長鄧炳強影相留念，仲做出「愛心」手勢，同市民打成一片。
有關展覽分為3個主題展區，分別係「認清事實」、「光影隧道」及「警察和市民的心聲」。參觀者可以透過「認清事實」嘅專題影片及視覺壁畫，體會到認清事實嘅重要性。展覽現場仲設有不同嘅互動體驗，包括同警察特別部隊隊員見面及合照、極受小朋友歡迎嘅兒童小型警車乘坐體驗，仲有警員打氣專區，以進一步增進警察與市民嘅溝通，展期至到今日﹙25日﹚，市民可以免費入場。