村民避鼠 呻「好似貓咁大」
【本報訊】本港多年來鼠患為禍，特別是大多鄉村所在的鄉郊地區更遭港府忽視。本報今次視察上水及元朗多條鄉村，揭出多個垃圾收集點淪為老鼠樂園。其中有村民苦訴備受鼠患困擾，不時被肥鼠嚇破膽，「啲老鼠好似貓咁大隻，一入夜就喺啲樹窿同啲草地爬出嚟！」
問題惡化 「放藥都冇用」
上水圍居民廖太直指，今年鼠患比去年嚴重得多，除了老鼠數量增加，老鼠體形亦變大變壯，「今年多咗好多老鼠，食環署放晒老鼠藥都冇用！」她亦留意到，即使包好的垃圾亦偶有拾荒人士到場拆開膠袋及取走鐵罐及膠兜等，令滿地垃圾問題更加惡化。她苦訴出門拋垃圾總會遇上惡鼠，嚇得心慌慌，「自己拋完垃圾就即刻走，見到啲老鼠會毛管豎！」
另一居民倫小姐則形容，今年鼠患問題特別嚴重，「次次一拋完垃圾就即刻跑走，免得見到老鼠！」雖然得悉食環署派員定期清洗垃圾箱等設施，但問題一樣嚴重，未見改善。她又慶幸自己住得與垃圾房有一段距離，故寓所附近才會鮮少老鼠出沒。