政情：李志宏當選沙田區會主席 黃學禮真跪低

有建制派不滿選舉結果 憤而離場

沙田區議會前主席程張迎喺本月初，指自己身體多番釋出強烈嘅警示訊息，決定請辭。由於當區仍然由泛民主導，因此李志宏喺冇競爭下接任主席。至於建制派區議員林港坤就非常不滿，怒斥李血漬斑斑、反中亂港，之後就憤而離場。

提名李志宏嘅區議員許立燊其後喺社交網站，分享佢同李嘅合照，話「恭喜新任沙田區議會主席李志宏！」至於副主席黃學禮竟然對李跪低，話呢次極有可能係沙田區議會最後一次大會，而李主席喺風高浪急嘅情況下依然堅持實屬難得咁話。