政情：鄧炳強視察智慧監獄 勉肩負懲教並重使命
上任約一個月嘅保安局局長鄧炳強，百忙中亦不忘親身視察紀律部隊嘅工作環境，尋日大清早佢就去到香港第一所「智慧監獄」、即大潭峽懲教所，了解懲教人員嘅工作情況，同埋點樣將科技融入日常管理同埋保安範疇，改善佢哋嘅工作環境。
懲教署署長胡英明親自接待
鄧炳強喺懲教署署長胡英明親自接待下，了解院所內引入嘅4個高科技系統，即「保安及監察系統」、「運作及管理系統」、「在囚人士自我管理系統」同埋「強化職員能力系統」。兩人亦談及懲教署「智慧監獄」嘅未來發展。唔單止咁，鄧不忘慰問懲教所人員，觀看佢哋嘅處境示範，藉此了解人員嘅工作情況。
雖則香港社會漸趨穩定，但早前因犯事而在囚嘅人數上升，懲教署人員嘅工作都面臨挑戰！鄧勉勵懲教署人員，感謝佢哋一直秉持專業態度，以無畏無懼嘅精神堅守刑事司法體系最後防線，肩負起「懲教並重」嘅使命！