政情：孖公仔現身劇集首映 何志平胡慧中大晒恩愛
近排疫情緩和，唔少團體都開始搞番啲活動。尋日喺一個公開場合，見到一對稀客。邊個？咪就係民政事務局前局長何志平同太太胡慧中囉！
夫婦精神飽滿
尋日某電視台為一套劇集舉行首映會，何志平同胡慧中都有嚟捧場，期間見二人表現恩愛，仲應在場傳媒要求拍攝合照，夫婦兩人久未露面，見佢哋精神飽滿、笑容滿面。
胡慧中透露，已經好耐冇出席公開場合，問到有幾耐呀？佢回應話：「都唔記得有幾耐啦！」再追問佢近排忙緊乜嘢？佢話忙住慶祝中國共產黨成立100周年。咁係咪多咗同先生一齊去拍拖呢？佢笑住話其實未習慣面對傳媒，淨係諗住同先生一齊嚟捧場，支持同學習。
喺胡慧中受訪期間，何志平一直喺旁邊默默等待，可見呢個丈夫幾咁細心同有耐性。