政情：好心提醒茶餐廳 黃家和被下逐客令

提對方張貼安心出行二維碼

按目前嘅防疫規定，所有幫襯食肆堂食嘅客人都需填報個人聯絡資料，或用手機掃描安心出行二維碼。而當日黃家和甫踏足該茶餐廳，驟眼未見安心出行二維碼，於是向老闆娘查詢。

黃強調自己只想提醒對方要將二維碼張貼喺當眼處，便利客人使用，不過老闆娘就覺得黃故意挑剔，大聲吆喝：「我唔做你生意，你走！」

老闆娘突如其來嘅反應，令黃家和感驚訝，但覺得不宜糾纏於口舌之爭，只係回敬一句：「祝你好生意！」跟住就移步往隔籬嘅餐廳食越南河粉。黃慨嘆今時今日，老闆娘咁嘅待客態度實在要不得。雖然係一肚氣，但黃喺紅磡嘅大街小巷發現好多別具特色嘅小店，先前所遇嘅不快亦告煙消雲散。