政情：漏低iPad 葉劉摸黑入會議廳

無咗泛民嘅立法會，審議嘅效率提高咗，於是好快就可以完會，快到甚至連議員都拎唔切嘢走！尋日立法會召開大會，只係去到傍晚6點半左右，主席就宣布休會，在席議員隨即執拾個人物品離開，保安跟住熄燈閂門。當眾人都去如黃鶴，議員葉劉淑儀突然現身，好徬徨咁企喺會議廳門口，話漏咗部iPad喺裏面！
葉劉淑儀要求進入會議廳搵番個人物品。（陳嘉順攝）
葉劉淑儀要求進入會議廳搵番個人物品。（陳嘉順攝）

要親自檢查有冇漏文件

儘管保安應葉劉要求，幫佢喺會議廳拎番部iPad出嚟，但葉劉仍堅持要摸黑入去會議廳，話仲漏咗啲文件喺自己嘅座席，非要親自檢查先至放心，好彩最終都搵得番。點解葉劉今次咁唔小心呢？佢就話先前離席往辦公室處理事務，估唔到咁快就休會。咁講又係，依家啲會話完就完，搞到議員都始料不及。

葉劉淑儀離席往辦公室處理事務。
  • 葉劉淑儀離席往辦公室處理事務。