政情：陳梓維縮沙 提早遣散職員

網民寸爆：你仲可以搵咩工

陳梓維喺社交網站發文，話原先打算同助理共同進退，冀繼續服務坊眾。之不過現實逼人，最終結果或者未如人意，政權可能連佢都容不下，決定提早遣散所有職員，因此亦要縮短辦事處服務時間，深感抱歉同無奈咁話喎。有網民寸爆留言話「真係擔心你，唔知你仲可以搵咩工」，亦有網民批評陳梓維都只係呃人工，出份文件都要抄人。

其實陳梓維早喺今年3月已經話，街坊都深知佢處事認真，所以決定宣誓留任，當時已經被網民揶揄利用「民意」留任。佢喺5月更正式發表留任聲明，但係就畀外界質疑佢抄襲屯門區議員嘅留任聲明，又再惹起爭議啊！