政情:港府行政未以人為本 議員促藉機改革

近年香港社會環境複雜多變,但港府官員同埋公務員似乎未能因應時局,表現遭人詬病。繼立法會上星期討論官員問責制,議員張國鈞同埋陳恒鑌繼續力數政府管治問題,促優化問責制。

應優化問責制

兩位議員尋日雖以主持人身份出席圓桌會議,不過都忍唔住評論幾句。張國鈞話好多時都喺立法會批評政府,覺得行政系統內未能做到以人為本,係最影響管治質素嘅問題。佢希望趁住香港呢幾年嘅關鍵時刻進行3方面改革,包括優化問責制、公務員制度以及地區行政制度。

有意見認為,政府問責官員係一份筍工,但陳恒鑌反而認為係冇階梯、冇培訓、冇前途!皆因完成5年任期後都唔知有冇得留低,況且缺乏旋轉門啊。

同場有學者同意兩位議員嘅見解,又指問責官員入到班子先至互相認識,又點會建立到一個好團隊呢?學者亦提及問責官員大多由公務員晉升,按章辦事嘅文化早已經不合時宜喇。譬如面對疫情,根本就冇得跟程序制訂應對方案。