政情：朱凱廸視網膜撕裂 需激光治療

朱凱廸喺社交網站尋日有一篇貼文，話佢嘅右眼視網膜有一處撕裂，導致局部視像消失或扭曲，而撕裂嘅成因係眼球中央嘅啫喱狀物質因老化而萎縮，產生「飛蚊」同渾濁外，亦將視網膜扯開咗一個裂口，再發展落去嘅話，可能會造成視網膜脫落。

受損視力無法恢復 僅暫緩惡化

經醫生檢查後，佢獲安排到政府眼科診所做「激光治療」，方法係用激光打向撕裂處，防止撕裂繼續擴大。佢話雖則已受損嘅視力無法復原，但治療起碼可以暫緩情況惡化。佢仲話希望對眼休息過後，可以撐得住喎。