政情：新冠病毒變得快 黃傑龍：防疫不宜鬆懈

病徵似傷風感冒難區分

Simon話一直以來，感染新冠肺炎病毒嘅病徵係發燒同埋咳。不過佢日前閱讀外國一篇報道，指新冠病毒發展至今，感染徵狀已經唔同咗。英國有專家研究全球400萬宗案例，發現依家前4種常見病徵，順序係頭痛、流鼻水、喉嚨痛同埋打乞嗤，表面睇真係好似傷風感冒。至於過往常見嘅發燒同失去味覺，反而跌到第7及第9位。出現咁嘅現象，不但令到醫生唔容易區分普通感冒同埋新冠病毒感染，仲有可能令到目前使用探熱儀器去偵測感染者嘅方法，未必好似以前咁管用。

雖然病毒變得好快，但Simon話目前香港疫情總算穩定，只要對防疫保持警惕，就毋須杞人憂天。佢又以早前確診感染變種病毒嘅三母女，並無引起社區大爆發為例，說明大家戴好口罩，的確係有保護效果o架。