政情：黃文萱議辦執笠 不忘宣傳生意吸金

黃文萱喺社交網站發文，話早前收到地政總署來信，要喺前日（15日）前拆卸佢懸掛喺街上嘅橫額。至於尋日就係佢辦事處營運嘅最後一日，正忙於執拾物品喎。佢早前話眼見朋友逐個遠走，戰友困喺牆內，牆外感到憤怒但無力。佢就有一日情緒非常低落，當時思考辭任後有咩可以做，所以製作咗商品，希望可以愈己愈人，呼籲大家購買支持喎。

曾經喺辦事處掛港獨旗幟

本身係公民黨執委嘅黃文萱早前已經退黨，又因唔打算宣誓而決定辭任區議員，任期已經喺今個月3日完結。佢在任期間都惹起爭議，皆因喺《港區國安法》實施後，佢仍然喺辦事處掛起被外界視為「港獨」嘅旗幟，一度被警方調查，仲要求佢拆除旗幟添。