政情：潮總婦委會 傳承潮菜
潮州婦女向以持家有道而著稱；潮州美食則以重湯輕油、崇尚清淡而聞名中外。香港潮屬社團總會婦女委員會，日前舉辦「傳承潮人潮菜潮煮」活動，當日出席嘅潮籍婦女雖然都係時代女性，但佢哋仍然按傳統烹調手法，炮製出美味嘅潮菜料理，真正做到「入得廚房，出得廳堂」。
楊玳詩即場煮反沙芋
婦委會主席楊玳詩出席並主持活動，仲即場煮反沙芋，佢話舉辦今次活動嘅目的，係要畀上一代潮籍女性通過講、做、幫、帶，以烹飪載體，為下一代潮籍女性帶來深刻嘅體驗。而活動當日就邀請婦委會委員余新文及黃仰芳嘅媽咪擔任美食導師，即場獻藝，為大家講解多種潮州名菜嘅烹製技巧。
總會主席陳振彬十分認同今次活動，佢又一展下廚功架，即場烹製拿手潮菜「蠔仔煎」，一眾姊妹嘗過兩位導師同陳主席嘅高超手藝都讚不絕口，而秘書處亦準備潮州美食供大家享用。