或推高租金增物價
楊彧話，海達邨位於深水埗新填海區，同區內其他街市有一段距離，新嘅海達街市共設90個乾、濕貨舖位，但承包商已明言會預留部分舖位，畀旗下其他街市嘅現有租戶優先租用。佢擔心做法會推高租金，令有意做小本生意嘅街坊難以進場，憂慮街市日後嘅租戶主要係以集團式經營；又擔心承包商亦會收取高昂管理費，進一步推高物價，令基層公屋家庭寧願搭車去幫襯舊區嘅平價街市，變相係得物無所用。
佢又話，過去3年曾經喺區議會提出動議，又上過立法會公聽會，希望房署唔好喺海達街市引入「整體承租」制度，但就形容房署只求將管理責任拋出去，仲大讚呢個被市民鬧爆嘅制度係行之有效，楊批評做法係一意孤行！