政情：身負4案 陳皓桓死撐預咗囚3、4年
前年10‧1遊行，民陣召集人陳皓桓同其餘9人被控組織、煽惑及參與未經批准集結罪。法官於上周三撤銷陳皓桓嘅保釋，陳須即時還押。陳皓桓喺社交平台貼文，描述被還押第一晚嘅情況，就預計自己起碼要坐3、4年時間，所以都做好心理準備喎。
話身邊有好多前輩
陳就喺貼文中話，由被控告當日已清楚知道刑期相當長，尤其身負4宗案件，預計要坐3、4年時間，所以都做好心理準備，各方面都安排妥當。佢又話喺5月18日當日，法官要判還押，自己心情平常，可能因為身邊有好多前輩陪伴。
雖則佢話好平靜，但尋日去探監嘅朋友就引述佢話呢兩晚都冇瞓過咁滯，原因係熱，仲要同曱甴搏殺，事關喺荔枝角收押所唔單止有普通曱甴，仲有飛曱甴！佢仲講笑問點解有蜘蛛俠、蟻俠，但就係冇曱甴俠，出嚟控制吓啲曱甴喎。