疫情陰霾籠罩下，仍然可以活得繽紛！議員林健鋒（Jeffrey）尋日前往屯門一間小學，參加一個名為「畫美麗香港」嘅活動，聯同一班小學生同義工一齊畫壁畫，希望為社區加添色彩。佢透露，自己曾經跟老師學習繪畫唔同類型嘅畫，仲大爆曾經試過對住塊鏡，雕刻出畫有自己肖像嘅印章添！

講起壁畫，Jeffrey就諗起位於中環荷李活道嘅壁畫線，其奪目畫功吸引佢多次駐足觀賞，所以好希望將壁畫文化推展到全香港。佢仲即席運用「商業頭腦」，形容可以喺壁牆前面放枱櫈開咖啡店，亦都別具特色喎。

同場仲有僱員再培訓局主席余鵬春，佢就形容香港人過去工作忙碌，就算有時間都寧願選擇到外國旅行，好多人都因為近年長留香港，先至發現到香港有好多美麗嘅地方。佢強調香港本身其實已經好靚，所以唔單止要攜手為城市畫多啲色彩，更加重要就係要搵番對「發現美嘅眼睛」！