政情：陸頌雄：中年孭書包有壓力

陸頌雄回想報讀前曾猶豫不決，同郭偉强你一言我一語，問對方「係咪報(架)」、又回應「你報我咪報囉，驚你呀？」最終決定孖住報名。佢話成日叫個仔溫書，對方可能會問「咁你成績點先？」嚟緊就可以「大吓佢」，話自己喺清華讀書，所謂身教重於言教，希望個仔一齊勤力讀書啊。

而郭偉强就認為社會趨勢下，各行各業嘅打工仔都要定期更新專業知識。之不過議會工作繁忙，時間分配上難免傷腦筋。前離島區議員傅曉琳亦喺社交平台分享獲成功取錄嘅喜訊，仲獲得5萬元嘅新生獎學金添！

根據早前公布嘅考生名單，喺熱廚房嘅勞工及福利局副局長何啟明、創新及科技局政治助理張曼莉、民政事務局政治助理張進樂等都有報讀課程。