政情：李卓人坐監6日已習慣

獄中生活單調但健康

仲記得李卓人講過入獄首日喺監倉來回踱步難以入睡，但佢喺最新貼出嘅信中唔單止話獄中生活單調但肯定健康，仲話入獄第6日已經開始習慣每日時間表同獄中一套術語，話自己一生中都未試過咁有規律嘅生活，直言真係「唔健康都幾難」。另外，李身兼職工盟秘書長，佢喺信中都有提起因參與民主派35+初選，涉違反《港區國安法》而正被還押嘅職工盟前主席吳敏兒（Carol）嘅情況，仲話每次諗起佢就覺得好心酸，話會喺獄中寫信畀Carol喎！

李卓人喺8‧18案中否認組織未經批准集結，同明知而參與未經批准集結兩控罪，結果被判囚12個月。佢早前喺信中都話過判刑相當高，表明會就8‧18案嘅判罪同刑期上訴喎！不過上訴都要時間，睇怕佢都要慢慢等吓嘞！