政情：盧偉國吹色士風 送天下母親祝福

盧偉國平時最拿手吹色士風，昨亦獻曲賀母親節。

梁美芬葉劉收花笑開顏

WK話屋企後院種植嘅萱草生命力極強，種咗廿幾年依然健康生長，而且每年母親節都會開花。佢引用古詩《游子吟》，話「誰言寸草心，報得三春暉」所指嘅係萱草，華人視之為「母親花」，所以就以萱草嘅相片配搭以色士風吹奏嘅歌曲《念親恩》上載到Fb。

一眾媽媽級議員又點樣慶祝呢？Priscilla就喺Fb上載片段，見到佢喺辦公室做嘢做到好攰之際，就收到仔仔速遞過嚟嘅鮮花同燉湯，仔仔仲以短訊錄音同Priscilla講母親節快樂添，令佢開心到大讚「湯好飲、仔好乖」。而Regina上周五都收到女兒從遠方送嚟嘅玫瑰花、朱古力同心意卡，即刻開心到影番張靚相上載到Fb。

梁美芬（左）同葉劉淑儀（右）分別收到仔女送上嘅鮮花。

梁美芬（左）同葉劉淑儀（右）分別收到仔女送上嘅鮮花。