政情：謝偉銓教待人「摺襪」 佳節氹媽咪開心

叫大家平時幫手做家務

Tony喺社交網站上載影片，話嚟到母親節先至話孝敬母親，諗送咩禮物，不如平時幫手做家務好過啦。佢話好多人都係求其摺對襪，浪費空間之餘，仲有機會出現大細襪嘅情況。而佢教導嘅方法好簡單，就係壓平兩隻襪，將佢哋疊埋，最後對摺再對摺就完成啦，真係整齊又慳位，阿媽實讚大家叻仔咁話啊！

藉住學習待人「摺襪」，Tony話從中都可以訓練耐性，待人接物一定都有進步。佢仲建議大家可以將禮物同啲襪擺埋一齊，放喺衣櫃，畀媽媽一個驚喜添啊。