政情：宣傳反恐特勤隊 鄧炳強全副武裝佗槍登場
警務處處長鄧炳強不時粉墨登場為警隊助勢，近日又有新宣傳片推出喇！前日有內地媒體喺微博發布影片，內容係宣傳香港警隊嘅「反恐特勤隊」，而鄧炳強亦有親臨現場，穿上特勤隊制服，同前線同事一齊拍攝！
唔少人爭住同佢合照
鄧炳強之後更全副武裝，幫槍械上彈，喺「香港警察時代英雄」、「堅守信念保衞香港」嘅句子前面留影。而難得見到着住前線隊員制服嘅處長，現場有唔少人仲爭住同佢合照留念。
其實今次並唔係鄧炳強第一次參與演出，警隊今年初推出以反恐作為主題嘅官方宣傳片《守城》，鄧炳強亦有份喺片入面飾演高級警員，表現專業。