政情:提修例禁劏房濫收水費 麥美娟四出拉票

立法會將於本月5日恢復二讀審議《2021年水務設施(水務設施規例)(修訂)條例草案》,今次修例將禁止劏房業主濫收水費,保障基層劏房租戶嘅利益。提出有關議員法案嘅議員麥美娟(Alice)就話,建制派同事對於今次修例均表示支持,又透露會搵埋非建制派議員鄭松泰,同埋醫學界嘅陳沛然摸吓底,爭取佢哋投贊成票!

受暴疫夾擊延誤處理

Alice又提到,水務署過去曾收到過超過10宗投訴,但因法例有漏洞而無法執法,故早喺2017年提出有關建議,將法例字眼由「cost」(費用)改為「charge」(收費),令劏房業主只按水費單上嘅金額收費。對於相隔咁耐先處理修例,Alice話同社會事件、疫情同民主派拉布有關,加上議會比較多政治爭拗,到依家泛民總辭後終於有時間傾;又形容政府過去比較官僚、保守,但喺依家議會新形勢下,都要努力處理多啲民生議題喎!

第一手消息請下載on.cc東網iPhone/iPad/Android/Windows Phone Apps