惜食惜用 「此日期前最佳」仍可食用
【記者張美婷報道】都市固體廢物在2019年的棄置量為平均每日11,057公噸，當中不少是未過期的食品或用品。有組織曾統計香港每年約有1.5億件到期產品被棄置堆填區，除造成浪費外，更增加堆填區負荷。有年輕人創辦零售社企，專門售賣將會或已過「最佳食用日期」的產品，包括食品、化妝品、保健產品等，並以低價賣出，希望可以減少浪費，並讓市民多一個廉價購物選擇。
「呢件就未過期，仲有幾日先過期，就算過咗期都可以食。」「Green Price綠惜超市」綠色的店面在鬧市中十分引人注目，裏面裝潢簡單，貨架上擺滿各式各樣的產品，價錢更較市價便宜。但拿起包裝一看，就會發現原來是快將到期，甚至已過「最佳食用日期」。
「儲存得唔好 未過期都唔食得」
「因為正價買會好貴，又唔知好唔好食，喺度買咗試咗好食，之後再買就唔會咁浪費。」超市熟客鍾小姐十分欣賞超市鼓勵市民食用或使用「過期」產品的理念，一來可以避免浪費，二來是可改變港人的消費心態，「其實有啲過咗期真係仲可以食，最緊要係個儲存方法，如果儲存得唔好，即使係未過期都唔食得。」
「多數講環保都係講回收，好少講呢方面（食用過期食品）。」超市兼職員工Crystal表示在超市工作學習很多有關食品的環保概念，自己平時亦會進食過期食品，但認為有時要說服顧客進食過期食物有一定難度，尤其是藥物及健康產品，大部分人會買一些未過期的，「但我都會同佢哋講番係安全食用，同埋有人測試啲產品確保係安全。」
「一直都冇乜社企去處理呢啲到期食品問題。」該超市創辦人之一兼零售經理韓駿謙（Terence）表示，當初創辦超市基於本港浪費問題嚴重，希望透過一個環保平台，將一些到期產品推出市面，除可推廣有關理念外，更可清空一些過期產品，減少浪費；另外，他亦希望以一個較低價錢售賣環保產品，因為很多時帶有環保理念售賣的貨品都較昂貴，難以普及，「我哋希望呢個平台可以將啲貨品又平又靚咁推廣出去。」
現時本港的食用日期標籤分為「此日期前最佳」（Best Before）及「此日期或之前食用」（Use By），前者即使過期亦可繼續食用，售賣亦不違例；而後者則常見於奶製品，過期食用會有食安問題，並不能在市面上售賣。而綠惜超市只會售賣已過最佳日期的產品，並以最多過期3個月為限，超過3個月的不會再售賣。
Terence指很多人未必能完全區分兩者，故希望超市可以將這個訊息推廣出去，「消費者可能未必喺我哋度買嘢，但佢知道咗呢個訊息之後，返屋企都會繼續食一啲啱啱過期嘅食品，唔使浪費。」