本港流浪動物政策向來為人詬病，現時港府設有4間動物管理中心，負責捕捉及處理流浪動物，經評估後將適合領養的動物會被轉送到動物福利機構。但政府早前表示，相關中心過去兩年接收逾1,200隻動物，工作量沉重，有計劃停止接收被遺棄的動物。有動物保護團體指有關計劃反映政策倒退，指目前棄養動物的代價偏低，擔心令無良主人直接將飼養的動物遺棄街頭。
「我都唔知到底依家漁護署嘅定位係想救貓狗，定係收番嚟『啪』（人道毀滅）咗佢睇唔到就算！」「沙律貓狗之家」的創辦人陳慧珍指，雖然目前無合理解釋而遺棄動物屬違法，但有關法例5年零檢控，擔心有關中心停止接收被遺棄的動物，變相鼓勵無良主人將貓狗棄置街頭，「你可以唔接收，但要完善番法例，加重罰則！依家係好冇遠見同唔成熟！」
陳批評人道處理流浪動物的政策落後，指據漁護署的指引，在4日內仍未被認領或評估為不適合領養的動物會被撲殺，「如果真係冇組織想救，你再『啪』都得，但依家係唔畀啲組織救！」據漁護署資料，有關中心在2019年間有高達48%貓狗被人道毀滅。