科學館入場籌派晒 歷史博物館門外打蛇餅
【本報訊】康文署轄下博物館於疫情期間暫停開放，至昨日終於重開，不少市民也趁着長假期前來參觀，其中科學館昨早採取人流管制措施，於門外派籌，待市民取得籌號後方可於4節指定時段進場。有市民早上9時已到場排隊，人龍長達百人，有市民指單是購買門票已花逾一小時；至於歷史博物館同樣有「捧場客」。
周先生昨帶同一家大細到科學館參觀，特地提早到場，但排隊買門票已等了一個多小時，令2.5小時的入場時段實際只縮減至只有一小時便要離開，小朋友「覺得唔夠喉」，要第二節重新攞籌排隊輪候入場，批評科學館安排「有啲麻煩」。
空手而回 市民促網上派籌
麥先生與女朋友則指，原先打算去歷史博物館，眼見科學館亦重開便順道入場，但不知道有派籌安排，故需輪候至下午3時的時段，無奈放棄。他指科學館宣傳不足，「網上都搜尋唔到，要檢討吓」，又希望館方「可以考慮網上攞籌」。
與朋友到歷史博物館參觀的李小姐表示，知道場館昨天重開，故昨日特地到場，又指「展覽好睇呀，有好多打卡位！」惟因疫情關係，她會勤洗手和戴口罩，入場時亦有登記資料。