由於發現有教師向學生灌輸錯誤嘅觀念同史實，有多名議員倡議喺課室安裝閉路電視（CCTV）監察老師授課，但有多個教師團體已反對，有班校長尋日直指咁係唔信任同唔尊重教師，仲叫教育局高層向公眾發聲反對引進CCTV添！話時話，局長楊潤雄一直都係話，若學校覺得有保安需要而要裝CCTV，但有資源問題嘅話，可同局方商討，但呢次班校長打晒開口牌，擺明係逼楊潤雄表態，唔畀佢再模棱兩可落去，睇嚟佢今次冇得避嘞，點拆彈呢？
