要聞港聞
政情:陳沛然見精神科醫生 鑊剷代筆畫球場
陳沛然初接觸繪畫,畫出自己最鍾意嘅足球場。
香港節奏急促,疫情更加劇市民精神緊張嘅情況,就連醫學界議員陳沛然(Pierre)都要見精神科醫生。唔係呀?
享受一片寧靜時刻
其實Pierre係訪問精神科專科醫生曾繁光,佢認同香港人被疫情折磨,而好大壓力,期間仲發現自己有啲精神緊張添啊。曾醫生就帶佢去畫室,Pierre話係初體驗,見到原來可以用鑊剷代替畫筆,覺得好有趣(口架)。佢畫咗一個足球場,話自己最鍾意喺黃昏時企喺球場中心,享受一片寧靜嘅時刻,仲可以容許自己放低傳呼機、電話、電腦,簡直係最放鬆嘅時候。
曾醫生形容Pierre落筆好果斷、專心,認為初接觸畫畫,最重要就係放膽,特別係畫出自己鍾意嘅環境,可以放鬆身心。曾又話有部分求助嘅個案,一聽到價錢就「走人」,因為佢哋根本冇工作,負擔唔到價錢。不過,曾醫生都照樣叫佢哋應診,希望幫到幾多就幾多。佢認為香港人喺呢一年已經逐漸適應疫情,預計下半年會減少出現焦慮嘅情況。
第一手消息請下載on.cc東網iPhone/iPad/Android/Windows Phone Apps