政情：公民講場：遲遲未放寬公海遊 港府僵化旅業發愁

持續逾一年嘅疫情，世界各地嘅旅遊業皆受重創。其實好多國家同地區嘅民眾，都有強烈嘅出遊意欲，於是各種「宅度假」、「遊飛機河」以及「公海遊」等不涉跨境嘅本地遊方案就應運而生。其實香港嘅旅遊業界喺舊年，都話願意作出較酒店更嚴謹嘅防疫措施，以期盡早重開郵輪碼頭為市民提供「公海遊」，之不過講咗幾個月，尋日旅行社東主協會會長葉慶寧都仲係呼籲政府短期內放寬本地郵輪「公海遊」呀！反觀新加坡同台灣嘅「公海遊」舊年就已經進行緊啦，畢竟經濟活動唔可能長期停擺啊。港府處事向來既官僚又僵化，香港旅遊業界想要絕處逢生，睇怕要再想辦法啦。