中環出更：東方52周年特刊 新聞圖片珍藏集 鬧市派發 爭相索閱 口碑載道
《東方日報》創報至今52周年，凝聚逾半世紀嘅珍貴回憶，52年來幾許風霜悲喜，《東方日報》同《on.cc東網》感激有你，風雨同路。為答謝讀者支持，《東方日報》特別製作《52周年特刊》及獨家呈獻新聞圖片珍藏集，尋日隨報附送，並於全港5個地區派發，廣受歡迎，唔少外出食晏嘅白領麗人，爭相領取，一同翻閱《東方日報》多年來嘅採訪精華，回憶香港大事及社會動人時刻。讀者嘅支持令我哋不斷努力向前邁進。有你，就有東方！
石禮謙：有《東方》冇窮人
多位議員及名人均大讚特刊內容豐富，更能勾起眾多昔日回憶。地產及建造界議員石禮謙就話，自己閱讀《東方日報》及《東網》多年，今次特刊中好多新聞報道都勾起佢嘅回憶，更大讚《東方日報》過去一直為市民帶來最新消息，畀大家了解社會發生眾多大小事，更形容《東方日報》已成為香港人52年來嘅朋友。佢更舉起「手指公」，大讚「有《東方》、冇窮人」！
葛珮帆：《東網》報道翔實
議員葛珮帆亦都話，《東方日報》陪伴佢同眾多香港人一起成長，更指自己每分每秒都會打開《東網》，以得悉社會最新動向。葛又大讚《東網》內容更新快、「夠即時」，報道內容翔實，形容《東方日報》係香港人嘅報紙，又祝願《東方日報》及《東網》讀者人數節節上升！
香港島婦女聯會主席、有「金錘拍賣官」之稱嘅金鈴，就指《東方日報》陪伴港人經歷咗52個寒暑，形容「52」呢個數字代表「唔容易」，象徵《東方日報》與港人一同度過過去艱難嘅兩年。佢話新聞圖片珍藏集令市民回顧過去眾多難忘時刻，同時勾起多年來嘅集體回憶，祝願市民喺《東方日報》陪伴下，能夠一起再次高飛！
全球華人傑出青年得主之一嘅沈慧林表示，《東方日報》不經不覺已陪伴港人52載，沈透露自小已喜愛閱讀，又細數特刊中眾多難忘回憶，例如1996年「風之后」李麗珊歷史性奧運奪金，以及1998年告別啟德機場等，回憶起自己當年睇《東方日報》嘅報道，當時嘅喜悅仍歷歷在目！沈又指，自己一直使用《東網》手機應用程式，一手掌握本地新聞大事、國際要聞、體育以至娛樂等精彩內容。
卓妮