阿忠在巴士站剛好遇到同事阿康，阿忠打算上前打個招呼，但叫了幾聲，阿康都沒有反應，所以就上前拍一拍他的肩膊。阿忠問：「喂，阿康，做乜叫極你都唔應。」阿康這時才察覺，並脫下耳機道：「唔好意思，我頭先聽緊音樂，塞住咗對耳仔，所以咪聽唔到你叫我囉。估唔到部新買嘅耳機啲隔音功能都幾好，等我一陣都戴住佢開工先。」
阿忠說：「千祈唔好咁做呀，我哋做嘢嘅地方放置咗啲高噪音嘅機器，公司已經將機器附近範圍劃成聽覺保護區，所有進入或者停留喺保護區嘅員工都要佩戴由勞工處處長認可嘅聽覺保護器。你部耳機雖然係最新款，但一定唔可以用作聽覺保護，你都係留番放咗工聽音樂嗰陣用，喺我哋做嘢嘅地方都係佩戴番由公司分發嘅認可聽覺保護器啦。」
阿康答：「我以為有嘢隔一隔就得o添！好彩你提一提我！」阿忠解釋：「保護聽覺最好嘅辦法當然係先減低噪音嘅來源，而佩戴聽覺保護器只係最後嘅保護方法，仲要用正確嘅方法佩戴先有效，例如用耳塞款就要先用左手繞過頭部後面，然後輕輕把右耳朵往上及後拉令到耳道張開，再用另一隻手將耳塞輕輕壓推入耳道，如果耳塞係屬於可多次使用嘅款式，記住要保持耳塞嘅清潔和衞生。」
阿康說：「我會照你教嘅方法正確咁戴好耳塞先開工，保護好聽覺。」阿忠說：「但係你平日都要注意用耳機聽音樂嘅音量先得！就算係好聽嘅音樂，音量大同樣會損害聽覺。仲有頭先叫你咁多次都聽唔到，其實喺行街或者開緊工嗰陣都好危險！」阿康答：「係嘅忠哥！咁我校番細聲啲啦！」
職業安全健康局
www.oshc.org.hk