香港土地矜貴，但處理垃圾仍以堆填為主。儘管回收再造有助減輕堆填區嘅壓力，不過香港嘅廢物回收多年來都成效不彰，譬如政府最近於公眾地方同政府設施放置入樽機並提供即時回贈，籲巿民以自助形式支持膠樽回收，然而一個膠樽只係回贈一毫子，出手未免太「孤寒」，咁又點可能鼓勵巿民實踐回收呢？環境局副局長謝展寰尋日就擴建新界西堆填區工程而到立法會攞撥款，期間就講到本港現時已經冇土地做堆填區啦。既然明知堆填區快將不勝負荷，謝副局長仲唔快啲諗辦法做好回收工作！
