政情:公民講場:港大試溝針 志願者難尋

港大有意招募100名成年健康人士進行為時一年嘅研究,先後接種本港兩款新冠疫苗。新冠疫苗臨床事件評估專家委員會共同召集人孔繁毅話,有理由相信「溝針」後嘅保護力,會較只使用一種疫苗嘅效果好,又指流感疫苗都常用混合式接種,風險唔見得特別高咁話。之不過,若果新冠疫苗嘅保護力真係咁理想的話,又何需研究功效更強嘅混合式接種呢?況且目前本港所使用嘅兩款新冠疫苗,其原理同技術都唔一樣,一先一後咁接種會有咩副作用?人體研究之前又有冇做過動物實驗呢?呢啲疑問未解釋清楚前,睇怕都好難搵得夠參與研究嘅志願者啦。

第一手消息請下載on.cc東網iPhone/iPad/Android/Windows Phone Apps