受疫情影響，網購大行其道，運輸及房屋局局長陳帆見「宅經濟」興起，認為本港物流業有得做，正研究進一步稅務優惠措施，吸引更多航運業務委託人落戶香港，又話要鼓勵業界透過科技嘅應用以提升效率咁話。之不過，憑稅務優惠同科技應用，都未必抵得上香港高昂嘅營運成本，加上土地不足呢個老大難嘅問題，莫講話倉庫、堆場唔夠地方，就連貨車要搵位停泊，都非常棘手。政府官員嘅思維咁片面，香港物流業又點樣應付日趨艱難嘅經營環境呢？
