愈來愈多人加入失業大軍，而政府又無意施以經濟援助，於是坊間就有預支強積金僱員供款，以應燃眉之急嘅主張，畢竟自己嘅積蓄由自己運用，天經地義呀！然而財經事務及庫務局局長許正宇，認為此舉會削弱退休儲蓄計劃嘅完整性，對主張不予考慮之餘，又籲尚未破產嘅失業人士參與「失業貸款計劃」，實行孭債度日咁話。其實容許失業人士動用強積金僱員戶口嗰筆錢，都仲有僱主部分嘅供款。要今日三餐無着落嘅失業人士顧及將來嘅退休生活，政府係咪真係咁離地呀！
