政情：在席議員得4個 條例草案照通過
立法會尋日嘅會議，三讀通過《2021年仲裁（修訂）條例草案》。之不過通過草案時，會議廳入面只得4名議員，亦都無人發言辯論，唔知道其他議員去晒邊呢？
冇人要求點法定人數
立法會喺進行二讀同三讀全體委員會審議階段都冇議員發言，會議廳可以話係一片寧靜。而會議廳裏面就只有邵家輝、黃定光、謝偉銓及林健鋒4名議員，佢哋全部都贊成條例草案。雖然在席人數遠比法定人數低，但就冇議員要求點算法定人數，究竟其他議員忙緊啲咩呢？
《2021年仲裁（修訂）條例草案》，以實施港府與內地最高人民法院喺舊年11月簽訂嘅《關於內地與香港特別行政區相互執行仲裁裁決的補充安排》，旨在修訂《關於內地與香港特別行政區相互執行仲裁裁決的安排》，令安排同國際仲裁嘅現行慣例更全面地保持一致。