政情：公民講場：團體促可加可減 租管隨時變炸彈

為紓緩劏房戶嘅困境，有團體要求政府改革租務管制條例，建議劏房租金調整幅度，如按通脹、通縮設「可加可減」機制。話時話，睇吓啲巴士公司同港鐵，票價幾乎年年加，被狂轟係「只加不減」機制，政府作為港鐵大股東都管唔到，所以劏房加入呢個機制隨時捉蟲，又係益咗業主，相信連運輸及房屋局局長陳帆都唔會肯接呢個炸彈，冇理由麻煩自招，但搞到班基層市民要捱貴租，都係因為公屋嚴重短缺，陳帆都責無旁貸。